Пра "10+10"

Архіў 2018 года. Скончаны.

Тэма Мінска ў сучаснай літаратуры набірае папулярнасць.
Ура! Нарэшце!

Яшчэ досыць нядаўна можна было на пальцах злічыць тыя беларускія кнігі, дзеянне якіх адбываецца ў Мінску. А калі яшчэ на беларускай мове, ды каб якасныя... Але патроху, патроху - і такі панеслася.

Розныя аўтары, розны горад, розныя тэмы.
Зусім хутка дойдзем і да тэмы курсавых - "Мінск у працах знакамітых сучасных пісьменнікаў".

Ага, менавіта так і будзе: і знакамітых, і сучасных, і - Мінск.

У межах спецпраекта 10+10 кніжнага фестывалю "Горад і Кнігі" мы папрасілі 10 ужо сталых у мастацкім плане аўтараў напісаць апавяданне пра Мінск (у любых яго праявах.)

У зборніку апавяданняў "10+10: Мінск" (і ўсё практычна зразумела з назвы, праўда?) было яшчэ 10 месцаў для аўтараў-пачаткоўцаў.

"Вы любіце гэты горад? Ведаеце пра яго штосьці, чаго не ведаюць іншыя? Ці, наадварот, гатовыя пісаць, каб зразумець пра горад і пра сябе штосьці важнае? - звярнуліся мы да тых, хто піша. -

З вас - апавяданне да 12 тысяч знакаў. З нас - зборнік і выбітная кампанія ў ім."

Мінск як тэма, Мінск як месца, Мінск як галоўны герой і як фон падзей, што іх вызначае. Мінск у любых праявах - але абавязкова ён.

А там пабачым, можа, не так ужо і далёка тая самая тэма курсавых)

Аўтары, якія падтрымалі фестываль сваёй згодай на ўдзел:

1. Людміла Рублеўская "Староста Юзаф і булачніца Яўдахія"

2. Міхаіл Валодзін "Пліты крычаць, або Гісторыя пра мінскага Герадота"

3. Андрэй Жвалеўскі і Яўгенія Пастэрнак "Цагліна перапоны"

4. Ганна Севярынец "Залатая рыбка"

5. Надзея Ясмінска "Вітражнае акенца"

6. Маргарыта Латышкевіч "Тры месяцы да вясны"

7. Алена Мальчэўская "Арфей едзе на плошчу Перамогі"

8. Адам Глобус "Асмалоўскія казкі"